如何同司機溝通客製化路線（附模板）

出發前準備 5 樣嘢

1. 日期同星期（假期同平日路線可以差好遠）
2. 人數（大人、小朋友年齡、會唔會用兒童座椅）
3. 上車地點（港島／九龍／新界，大概區域就得）
4. 你想嘅節奏（輕鬆慢活定緊湊打卡）
5. 必去或唔想去（例如：一定要海灘、唔想行山）

如果你仲未諗好去邊，可以先睇 隱藏玩法主頁 揀主題，再話我哋幫你填細節。

WhatsApp 模板（直接 copy）

你好，我想安排大灣區客製行程：

📅 日期：
👥 人數：（大人＿位，小朋友＿歲＿位）
🚗 上車：
⏰ 希望出發時間：
🎯 想去／想玩：（例如：海灘＋海鮮／行山＋溫泉／古鎮慢逛）
❌ 唔想：（例如：行山、人多的地方）
🍼 特別需要：（兒童座椅／奶粉熱水／輪椅等）
💬 其他：

進階：點樣描述「感覺」

比起報一堆景點名，我哋更鍾意你講感覺，例如：

• 「似上次去珠海咁慢，但想多啲影相位」
• 「帶阿媽，唔想行超過 20 分鐘樓梯」
• 「情侶週年，想日落 + 夜景，唔使太貴晚餐」

咁樣我哋可以先揀城市，再幫你對應具體地點（例如 惠州、肇慶 或 私藏打卡位）。

司機會點答你？

一般 1–2 個鐘內（繁忙日子可能稍慢）會回覆：

• 建議路線 A／B（時間表大概）
• 邊個口岸或橋樑較順（視乎目的地）
• 要帶咩、穿咩鞋
• 如需過夜，住宿區域建議

報價會按日期、路程、停留時間同車型計，我哋唔會喺呢篇硬塞價格表——你講完需求先至準確。

常改動嘅 3 個情況

臨時加點：可以，但可能要調返程時間，越早講越好。

落雨：我哋有室內／溫泉／博物館備案，出發當日會同你確認。

小朋友瞓著：車上可調冷氣同音樂，唔使尷尬，我哋見慣。